സ്മൃതി
കുഞ്ഞുനാളിൽ
പൊറുക്കിക്കൂട്ടിയ
ഒരു പിടി കക്കയും
കളികോപ്പയൊഴിഞ്ഞ
കളിയൂഞ്ഞാലും
പൊട്ടിപൊളിയാത്ത
കായിക്കുടുക്കയും
കളിച്ചു പിണങ്ങിയ
മണ്ണാംചിരട്ടയും
ഒരുപിടി മണ്ണിന്റെ
ആധാരവും
കീറിപ്പഴഞ്ഞ
ഒരു തുണ്ട് പായും
ചവിട്ടേറ്റ് പഴകിയ
നാടൻ പട്ടിയും
ഇരുളും വെളിച്ചവും
തുളയിട്ട കൂരയും
എന്റെ ജീവിതങ്ങൾ . . . .
പൊട്ടിയ പഞ്ചാര മാലയും
കോർക്കാത്ത മുത്തുകളും
മുത്തുകളില്ലാത്ത
വെള്ളിക്കൊലുസും
ചാഞ്ഞ മാവിൻ കൊമ്പിലെ
കളിയൂഞ്ഞാലും
കുളിച്ചീറനണിഞ്ഞ മുടിക്കെട്ടിൽ
തുളസിക്കതിരിൻ നറുമണവും
സ്വപ്നങ്ങൾ കരഞ്ഞു കുതിർന്ന
പഞ്ഞിത്തലയിണയും
എന്റെ സ്വപ്നങ്ങൾ . . . .
ഒരു തവി കഞ്ഞിക്ക്
കടിപിടി കൂടിയ സവുഹൃദവും
തേച്ചുമിനുക്കാത്ത
ഓട്ടുവിളക്കും
ഒന്നാംതരത്തിലെ
പൊട്ടിയ സ്ലേറ്റും
മൂരപെൻസിലും
എന്റെ നൊമ്പരങ്ങൾ . . . .
അമ്മ വിളമ്പിയ
കുത്തരി ചോറും
മുത്തശ്ശിവച്ചൊരാറ്റു-
കൊഞ്ചിൻ കറിയും
അച്ഛൻ തന്നൊരു
മഞ്ഞക്കോടിയും
എന്റെ സ്മൃതിൾ . . . .
No comments:
Post a Comment